1ܒܲܣ ܡܘܼܕܝܼ ܝَܠܵܗ̇ ܙܵܘܕܘܿܢܝܘܼܬܹܗ ܕܝܗَܘܼܕܵܝܵܐ؛ ܝܲܢ ܡܘܼܕܝܼ ܝܠܹܗ ܦܲܝܕܵܐ ܕܓܙܘܼܪܬܵܐ؛ 2ܪܵܒܵܐ ܒܟܠ ܬܵܗܵܪ. ܩܵܕَܡܵܝܬܵܐ؛ ܕܦܸܫܠܗَܘܿܢ ܣܘܼܦܝܹܐ ܒܝܼܝܵܗܝ ܗܹܡܸܙܡܵܢܹ̈ܐ ܕܐܲܠܵܗܵܐ. 3ܣܵܒܵܒ ܡܘܼܕܝܼ؛ ܐܸܢ ܐَܢܵܫܹ̈ܐ ܡܸܢܵܝܗܝ ܠܵܐ ܗܘܼܡܸܢܘܿܢ؛ ܒܠܵܐ ܗܲܝܡܵܢܘܼܬܵܝܗܝ ܠܡܗܘܼܡܢܘܼܬܹܗ ܕܐܲܠܵܗܵܐ ܒܵܛܠܝܼ؛ 4ܚܵܣ ܠܝܼ. ܣܵܒܵܒ ܐܲܠܵܗܵܐ ܣܲܪܲܣܬ ܗܵܘܹܐ؛ ܐܝܼܢܵܐ ܟܠ ܒܲܪܢܵܫܵܐ ܕܵܓܵܠܵܐ؛ ܐܲܝܟܼ ܕܝܼܠܹܗ ܟܬܝܼܒܼܵܐ؛ ܕܦܵܝܫܸܬ ܡܘܼܟܫܸܛܵܐ ܒܗܹܡܸܙܡܵܢܘܼܟ؛ ܘܕܓܼܵܠܒܸܬ ܟܲܕ ܕܵܝܢܝܼ ܠܘܼܟܼ. 5ܐܝܼܢܵܐ ܐܸܢ ܥܵܘܠܵܐ ܕܝܲܢ ܡܲܩܸܡ ܙܲܕܝܼܩܘܼܬܹܗ ܕܐܲܠܵܗܵܐ؛ ܡܘܼܕܝܼ ܐܵܡܪܵܚ؛ ܢܵܐܗܲܩ ܝܼܠܹܗ ܐܲܠܵܗܵܐ ܕܡܲܝܬَܝܹܐ ܟܲܪܒܹܗ؛ ܐܲܝܟܼ ܒܲܪܢܵܫܵܐ ܗܲܡܙܘܼܡܹܐ ܝܘܸܢ؛ 6ܚܵܣ ܠܝܼ؛ ܘܐܸܢ ܠܵܐ؛ ܕܵܐܟܼܝܼ ܒܸܬ ܕܵܝܸܢ ܐܲܠܵܗܵܐ ܠܥܵܠܡܵܐ؛ 7ܐܝܼܢܵܐ ܐܸܢ ܣܲܪܲܣܬܘܼܬܹܗ ܕܐܲܠܵܗܵܐ ܙܸܕܠܵܗ ܒܕܵܓܵܠܘܼܬܝܼ ܠܬܸܫܒܘܿܚܬܵܐ ܕܝܹܗ؛ ܒܲܣ ܩܵܡܘܿܕܝܼ ܐܵܢܵܐ ܐܲܝܟܼ ܚܲܛܵܝܵܐ ܦܝܵܫܵܐ ܝܘܸܢ ܕܝܼܢܵܐ؛ 8ܘܩܵܡܘܿܕܝܼ ܠܵܐ ܐܲܝܟܼ ܕܓܵܕܦܝܼ ܥܲܠܲܢ ܘܐܵܡܪܝܼ؛ ܕܐܲܚܢܲܢ ܒܹܐܡܵܪܵܐ ܝܘܵܚ؛ ܥܵܒܼܕܵܚ ܒܝܼܫܵܬܹ̈ܐ ܕܐܵܬܝܼ ܛܵܒܼܵܬܹ̈ܐ؛ ܐܵܢܝܼ ܕܕܝܼܘܵܢܵܝܗܝ ܗܲܩ ܝܼܠܵܗ̇. 9ܒܲܣ ܡܘܼܕܝܼ؛ ܐܲܚܢܲܢ ܙܵܘܕܵܐ ܝܘܵܚ؛ ܠܵܐ؛ ܒܟ̰ܘܼ ܬܵܗܵܪ؛ ܣܵܒܵܒ ܩܲܕَܡܵܝܬܵܐ ܩܛܹܥܠܲܢ ܒܵܗَܣ ܕܝܗَܘܼܕܵܝܹ̈ܐ ܘܒܵܗَܣ ܕܝܵܘܢܵܝܹ̈ܐ؛ ܕܟܠܵܝܗܝ ܬܚܘܿܬ ܚܛܝܼܬܵܐ ܝܢܵܐ؛ 10ܐܲܝܟܼ ܕܝܼܠܵܗ̇ ܟܬܝܼܒܼܵܐ؛ ܠܲܝܬ ܙܲܕܝܼܩܵܐ؛ ܐܘܼܦܠܵܐ ܚܲܕَ؛ 11ܠܲܝܬ ܕܦܲܪܡܹܐ؛ ܠܲܝܬ ܕܒܲܥܝܹܐ ܠܐܲܠܵܗܵܐ؛ 12ܟܠܵܝܗܝ ܩܠܸܒܠܘܿܢ ܡܸܚܕܵܕܹ̈ܐ ܘܦܸܫܠܗَܘܿܢ ܡܘܼܣܠܝܸܐ؛ ܘܠܲܝܬ ܕܥܵܒܸܕ ܛܵܒܼܬܵܐ؛ ܐܘܼܦ ܠܵܐ ܚܲܕَ. 13ܒܵܠܘܿܥܘܵܝ̈ܗܝ ܩܲܒܼܪܹ̈ܐ ܦܬܝܼܚܹ̈ܐ ܝܢܵܐ؛ ܒܠܸܫܵܢܵܝ̈ܗܝ ܦܠܸܡܠܘܿܢ؛ ܘܣܲܡܵܐ ܕܐܸܣܦܸܣ ܬܚܘܿܬ ܣܸܦܘܵܬܵܝ̈ܗܝ ܝܠܹܗ. 14ܦܘܼܡܵܝܗܝ ܡܸܠܝܵܐ ܝܠܹܗ ܠܵܘܛܬܵܐ ܘܡܲܪܝܼܪܘܼܬܵܐ. 15ܐܲܩܠܵܝ̈ܗܝ ܩܵܠܘܿܠܹ̈ܐ ܝܢܵܐ ܠܫܵܦܘܿܟܹܐ ܕܸܡܵܐ؛ 16ܓ̰ܘܼܢܓ̰ܵܪܵܐ ܘܫܲܩܝܼܘܼܬܵܐ ܒܐܘܼܪ̈ܚܵܬܵܝܗܝ ܝܢܵܐ؛ 17ܘܐܘܼܪܚܵܐ ܕܫܠܵܡܵܐ ܠܹܐ ܝܢܵܐ ܝܕܸܥܝܹܐ. 18ܙܕܘܼܥܬܹܗ ܕܐܲܠܵܗܵܐ ܠܲܝܬ ܩܵܕَܡ ܥܲܝܢܵܝ̈ܗܝ. 19ܐܝܼܢܵܐ ܒܝܼܕܲܥܝܵܐ ܝܘܵܚ؛ ܕܡܸܢܕܝܼ ܕܐَܡܝܼܪܹܗ ܢܵܡܘܿܣܵܐ؛ ܠܐܵܢܝܼ ܕܢܵܡܘܿܣܵܐ ܝܢܵܐ ܐَܡܝܼܪܹܗ؛ ܕܟܠ ܦܘܼܡܵܐ ܦܵܝܸܫ ܥܟ̰ܝܼܡܵܐ؛ ܘܟܠܹܗ ܥܵܠܡܵܐ ܦܵܝܸܫ ܓܘܼܢܵܗܟܵܪ ܩܵܕَܡ ܐܲܠܵܗܵܐ. 20ܣܵܒܵܒ ܡ̣ܢ ܦܘܼܠܚܵܢܹ̈ܐ ܕܢܵܡܘܿܣܵܐ ܠܹܐ ܦܵܝܸܫ ܡܘܼܟܫܸܛܵܐ ܟ̰ܘܼ ܒܸܣܪܵܐ ܩܵܕَܡܘܼܗܝ؛ ܣܵܒܵܒ ܒܝܲܕ ܢܵܡܘܿܣܵܐ ܦܝܵܫܵܐ ܝَܠܵܗ̇ ܝܕܥܝܼܬܵܐ ܚܛܝܼܬܵܐ. 21ܐܝܼܢܵܐ ܐܵܕܝܼܵܐ ܕܠܵܐ ܢܵܡܘܿܣܵܐ ܙܲܕܝܼܩܘܼܬܹܗ ܕܐܲܠܵܗܵܐ ܦܸܫܠܵܗ̇ ܓܠܝܼܬܵܐ؛ ܘܒܝܵܗَܒܼܵܐ ܝܠܹܗ ܣܵܗܕܘܼܬܵܐ ܥܲܠܘܼܗܿ ܢܵܡܘܿܣܵܐ ܘܢܒܼܝܹ̈ܐ؛ 22ܙܲܕܝܼܩܘܼܬܹܗ ܕܐܲܠܵܗܵܐ ܗ̇ܝ ܕܒܝܲܕ ܗܲܝܡܵܢܘܼܬܹܗ ܕܝܼܫܘܿܥ ܡܫܝܼܚܵܐ ܠܟܠܵܝܗܝ؛ ܐܘܼܦ ܥܲܠ ܟܠܵܝܗܝ؛ ܕܗܲܡܸܢܝܼ ܒܝܼܝܹܗ؛ ܣܵܒܵܒ ܠܲܝܬ ܦܘܼܪܫܘܼܢܝܵܐ؛ 23ܣܵܒܵܒ ܟܠܵܝܗܝ ܚܛܹܐܠܘܿܢ؛ ܘܚܣܸܪܘܿܢ ܡ̣ܢ ܬܸܫܒܘܿܚܬܹܗ ܕܐܲܠܵܗܵܐ؛ 24ܘܟܹܐ ܦܵܝܫܝܼ ܡܘܼܟܫܸܛܹܐ ܒܫܵܦܵܩܲܬܹܗ ܚܘܼܪܵܝܝܼ؛ ܒܦܘܼܪܩܵܢܵܐ ܕܝܼܠܵܗ̇ ܒܝܼܫܘܿܥ ܡܫܝܼܚܵܐ؛ 25ܗ̇ܘ ܕܩܵܕَܡܵܝܬܵܐ ܡܘܼܬܸܒܼܠܹܗ ܐܲܠܵܗܵܐ ܚܘܼܣܵܝܵܐ؛ ܒܝܲܕ ܗܲܝܡܵܢܘܼܬܵܐ؛ ܒܕܸܡܹܗ؛ ܠܡܲܚܙܵܝܬܵܐ ܕܙܲܕܝܼܩܘܼܬܹܗ؛ ܣܵܒܵܒ ܕܡܲܚܠܵܥܝܬܵܐ ܕܚܛܵܝܼܵܬܹ̈ܐ ܕܡܩܵܕَܡܵܝܬܵܐ ܦܠܝܼܚܹܐ ܗَܘܵܘ؛ ܒܡܲܪܝܲܟܼܬܵܐ ܕܒܹܢܵܐ ܕܐܲܠܵܗܵܐ؛ 26ܠܡܲܚܙܵܝܬܵܐ؛ (ܒܸܐܡܵܪܵܐ ܝܘܸܢ)؛ ܕܙܲܕܝܼܩܘܼܬܹܗ ܒܐܵܗܵܐ ܙܲܒܼܢܵܐ؛ ܕܗ̇ܘ ܗܵܘܹܐ ܒܓܵܢܹܗ ܙܲܕܝܼܩܵܐ؛ ܘܡܲܟܫܸܛܵܢܵܐ ܠܗ̇ܘ ܕܝܼܠܹܗ ܒܗܲܝܡܵܢܘܼܬܵܐ ܕܝܼܫܘܿܥ. 27ܒܲܣ ܐܲܝܟܵܐ ܝܠܹܗ ܫܘܼܒܼܗܵܪܵܐ؛ ܦܸܫܠܹܗ ܒܘܼܛܠܵܐ. ܒܡܘܼܕܝܼ ܢܵܡܘܿܣܵܐ؛ ܕܦܘܼܠܚܵܢܹ̈ܐ؛ ܠܵܐ؛ ܐܸܠܵܐ ܒܢܵܡܘܿܣܵܐ ܕܗܲܝܡܵܢܘܼܬܵܐ. 28ܒܲܣ ܒܸܚܫܵܒܼܵܐ ܝܘܵܚ ܕܒܗܲܝܡܵܢܘܼܬܵܐ ܟܹܐ ܦܵܝܸܫ ܡܘܼܟܫܸܛܵܐ ܒܲܪܢܵܫܵܐ ܕܠܵܐ ܦܘܼܠܚܵܢܹ̈ܐ ܕܢܵܡܘܿܣܵܐ. 29ܝܲܢ ܐܲܠܵܗܵܐ ܕܝܗَܘܼܕܵܝܹ̈ܐ ܝܠܹܗ ܗܲܪ؛ ܘܕܛܵܝܸܦܹ̈ܐ ܠܵܐ؛ ܗܹܐ؛ ܐܘܼܦ ܕܛܵܝܸܦܹ̈ܐ؛ 30ܐܸܢ ܚܲܕَ ܝܼܠܹܗ ܐܲܠܵܗܵܐ ܕܟܹܐ ܡܲܟܫܸܛ ܓܙܘܼܪܬܵܐ ܒܗܲܝܡܵܢܘܼܬܵܐ؛ ܐܘܼܦ ܥܘܼܪܠܘܼܬܵܐ ܗܲܪ ܒܝܲܕ ܗܲܝܡܵܢܘܼܬܵܐ. 31ܒܲܣ ܡܘܼܕܝܼ؛ ܢܵܡܘܿܣܵܐ ܒܵܛܘܿܠܹܐ ܝܘܵܚ ܒܗܲܝܡܵܢܘܼܬܵܐ؛ ܚܵܣ ܠܝܼ؛ ܐܸܠܵܐ ܢܵܡܘܿܣܵܐ ܡܲܩܘܼܡܹܐ ܝܘܵܚ.